كل ما تريد معرفته عن شاشة lcd

السلام عليكم ورحمة الله وبركاته




انا يا جماعة لاحظت الفترة الاخيرة ان معظمنا بدا يغير شاشته ويلجا لشاشة LCD وخاصة بعد اما نزل تمنها 100% تقريبا وانا حبيت اعمل الموضوع ده علشان الناس تعرف مميزات وعيوب الشاشات ال LCD وكمان تعرف لما تنزل تشترى انواع ايه .
اهم حاجة فى الشاشة ال LCD حاجة اسمها ال Response Time وده معناه المعدل الزمنىللاستجابة لمؤثر البصرى وده مهم جدا ويفرق فى كفاءة ونقاء عرض الشاشة , فاكرينزمان كنا لما نتفرج على فيلم على شاشة LCD كنا نحس ان الشاشة بتبقع وتطلع مربعاتوكده وده لأن ال Response time كان عالى اياميها اعتقد انه كان 20 MS, أما حاليافالحمد لله الشركات بدات تحسن الجزئية دى لدرجة ان ال Response time نزل لحد 2MS , شوفتوا الفرق واضح قد ايه وده يخلى الشاشة اكتر من رائعة فى عرض الموثراتالبصرية السريعة زى الالعاب والافلاموعلشان نبقى فى المضمون هو عامتا ثبت ان اى شاشة ال Respose time بتاعها من 7ms لاقل فهى شاشة جيدة وتناسب استخدام الالعاب والافلام وانا لاحظت ان معظمالشاشات اللى فى السوق بتتراوح من 2MS لحد 5MS وده يسهل علينا ويخلينا نبقىمرتاحين بعض الشىءودى تانى حاجة بتكون مهمةفى اى شاشة lcd وهى ال Refresh rate ودى اللى هى معدل التجديد"التنشيط" ودى ياجماعة فايدتها مهمة فى الالعاب و بتظهر اوى اوى اوى فى الالعاب اللى فيها خطوطمستقيمة زى الفيفا والبرو ايفلوشن ونلاحظ هنا ان بيحصل تكسير و تمويج فى الخطوطلما بيكون ال Refresh Rate قليل وغالبا ما يكون ال Refresh rate فى معظم الشاشات من 60Hz الى 72Hz ده فى ال LCDوطبعا فى شاشات بتوصل لحد 200Hz بس دى اسعارهاخرافية وانا بقول ان انسب حاجة هى لحد 85HZ وده مش معناه ان ال 72 او 75 وحشةلكن زى ما انا وضحت كل ما الRefresh rate يزيد يكون افضل , تالت نقطة وقد لا تكون ذات اهميةكبيرة وهى ال Contrast ratioوهى معدل التباين و ده يفرق فى سطوع ووضوحالالوان على الشاشة وهو غالبا صعب التفريق فيه بس معظم التجارب و الملاحظات اثبتتانه من اول نسبة 1:700 لحد نسبة 1:5000 بتقع كل الالوان الطبيعية وتكون من الصعبالتمييز بينهم والحمد لله ان معظم اللى فى السوق 1:700 لو 1:1000 و نادرا لماتلاقى اعلى من كده وللمحافظة على الشاشة اوعى تحط اى حاجة سخنة او ساقعة جنب الشاشة لأن اى بخارمتصاعد بياثر على المكثفات ده غير كده لن بلورات الكريستال بتتاثر بسرعة بدرجةالحرارة بدليل انك لما بتفتح الشاشة بتلاقى اضاءتها ضعيفة وبعد كده اضاءتهابتزيد تدريجيا وبالنسبة للناس المدخنة فى ناس بتحب تشرب سجاير وهى قاعدهعلى الكمبيوتر فيجى بالصدفة وهو بيشاور على الشاشة تروح السيجارة لامسة الشاشةفتروح عاملة علامة صفراء فى اسود زى حرق كده كانك حرقت كيس بلاستيك ابيض والسبب فىكده ان الشاشة السطح الخارجى ليها مغلف بغشاء جيلاتينى ضاغط "وده على حد علمى " فياريت ما تشربش سجاير وانت قاعد " بطل سجاير احسن , بالنسبة بقى للناس اللى ليها اخوات صغيرين او عندها اطفالحاول بقدر الامكان تبعد الاطفال عن الشاشة لأنه لو ضغط على الشاشة بقوة مكان الضغطبيسيب علامة بتفضل العمر كله "كانى ضربتك بمشرط فى ايدك اكيد هتعلم " هو ده نفسالوضع